У Фарным касцёле прагучаў «Рэквіем» Джузэпэ Вердзі | Могилевская Городская Капелла

Концерты

У Фарным касцёле прагучаў «Рэквіем» Джузэпэ Вердзі

Каля 500 чалавек прыйшлі 31 кастрычніка ў Фарны касцёл каб атрымаць асалоду ад знакамітага жалобнага твора Джузэпэ Вердзі «Рэквіем» у выкананні Гродзенскай і Магілёўскай капэл.

Гэта ўжо трэці выступ гродзенскіх музыкаў у Фарным касцёле. У лютым пры поўным храме гралі «Рэквіем» Моцарта. А год таму гродзенцы выступалі з сімфоніяй Бетховена.

Папярэднія выступы гродзенскай капэлы збіралі да тысячы чалавек. Але так атрымалася, што амаль адначасова ў драмтэатры праходзіў бясплатны сімфанічны моладзевы канцэрт, які прыцягнуў частку аматараў класічнай музыкі. Таму гэтым разам у касцёле было толькі каля 500 чалавек.

На вечарыне выступалі: Марына Гаравая (сапрана), Марына Аксёнцава (мецца-сапрана), Віктар Мендзелеў (тэнар), Дзмітрый Капiлаў (бас). Дырыжор — Уладзімір Бормотаў.

Аўтар: Руслан Кулевіч. Фота: аўтара

Hrodna.life